O RAIO
AZUL
 |
| Raio azul. Recorte da foto orixinal. |
De entre os fenómenos ópticos que soen acompañar os solpores en todo o mundo, poucos son tan populares como o raio verde, sobre todo pola novela romántica Le Rayon vert, do escritor francés Jules Verne na que narra a busqueda por parte de unha parella de unha posta de sol onde se poida ver este fenómeno, pois como di a lenda, si dúas persoas o observan o mesmo tempo quedaran unidas para sempre.
Tamén contribuíu a sua popularidade o feito de mencionarse en unha das películas da serie Piratas do Caribe: A fin do mundo, do ano 2007 o que fixo que moita xente se interesara por ese fenómeno solar anque desde unha interpretación superficial e máxica.
Este mal chamado raio verde, posto que non é un raio (é un escintileo) non é simplemente unha lenda, é un fenómeno óptico real produto da refracción e dispersión da luz do sol cando se atopa cerca do horizonte. que pode ser admirado por todo afeccionado a natureza que o busque con paciencia.
 |
| Raio verde desde o mirador de Cotorredondo, Vilaboa 17.03.2013 |
Os amarelos e os verdes soen ser os mais comúns xa que o azul e violeta son con frecuencia esvaídos pola propia cor do ceo.
 |
| Adaptado de: http://www.tboeckel.de/EFSF/efsf_ps/greenflash_04/spuren.jpg |
En ocasións moi raras o escintileo azul e tan intenso que permite a sua visibilidade xusto por riba ou sobreposto o verde.
 |
| Raio azul 2 |
Esto e o que aconteceu o dia 11 de xaneiro do 2020 mentres estaba na praia da Lanzada no Concello de O Grove, Pontevedra as 18:25h.
 |
| Parhelio |
Foi unha posta de sol espectacular. Comezou coa presenza a dereita do disco solar de un Parhelio moi intenso, que se mantivo uns dez minutos antes do solpor, e despois de que o sol se ocultase, tiven a oportunidade de ver un tenue Pilar solar.
 |
| Pilar solar |
O raio azul e un fenómeno rarisimo. Coido que é a primeira vez que se rexistra en Galicia, e en España só teño coñecemento de un rexistrado desde o observatorio do Roque de los Muchachos nas illas Canarias no 2006.
Podo dicir que fun moi afortunado, pois si ben, o raio verde o levo fotografado varias veces desde fai dez anos, e os parhelios e pilares son mais abundantes, o raio azul foi a primeira vez que o puiden fotografar.
Boas, para completar a túa información, non é a primeira vez que se rexistra un raio azul no país, o cal non lle quita valor á túa imaxe pola rareza do fenómeno.
ResponderEliminarhttps://ceosgalegos.com/2018/01/19/un-raio-azul-no-sol/
Como dis, o dos raios verdes xa é bastante máis común.
Invitámoste a que coñezas o noso proxecto de divulgación da ciencia (astronomía, meteoroloxía e demais temas transversais). E, como non, que envíes cando o desexes algunha imaxe para publicar. Mañá, domingo 19, temos a gala de entrega de premios anual e hai unha categoría denominada MeteoFoto. A túa imaxe ben puidera participar nesta categoría para este ano.
Unha aperta.
P.D.: a lenda do raio verde non existe en realidade, inventouna Jules Verne para o seu libro. De feito, inspirouse para esa novela tras contemplar un raio verde na súa visita a Vigo. Precisamente, na edición do noso #CeosGalegos18 publicamos en papel un raio verde baixo a ponte de Rande desde a praia de Cesantes, a 100 metros do monumento a Jules Verne. Unha imaxe do máis verniano ;-)
Moitas grazas pola información. Antes de decidirme a darlle publicidade, estiven buscando información, pero por desgraza non atopei a que ti me facilitas, de ser así, evidentemente, houbera feito mención, como fixen co do Roque dos Muchachos. Como dixen no Facebook, o importante é haber tido a fortuna de observalo, si fun o primeiro ou o centesimo en fotografalo, e o de menos.
ResponderEliminarO feito de que compartirades a imaxe, xa pasa a ser candidata ou teño que solicitalo eu?
Irei poñendo fotos ou compartindo enlaces das páxinas onde as vou publicando.
Grazas de novo e apertas.
Pois vaia... un dos nosos colaboradores captou o mesmo raio azul o mesmo día desde máis ao norte. Estamos a preparar unha entrada na nosa web e gustaríanos publicar os dous raios azuis xuntos. Podes enviarnos a imaxe por correo electrónico "info ARROBA ceosgalegos.com"? Viría ben ter tamén os datos EXIF ou o momento exacto da túa toma.
EliminarAsí tamén xa nos queda o teu contacto para o futuro.
Moitísimas grazas.
Ja,ja,ja...Vai resultar que os ceos da Galiza son os mellores para ver os raios, xa sexan verdes, azuis ou multicolorados...
ResponderEliminarEnviareiche mais tarde a fotos cos seus datos.
Apertas!!